Bachpan ki yaadein

kitna anmol waqt tha wo bhi, papa jab sham ko ghar aate the..
jeb me unki 1-2 rupye ke sikke khankhanate the..
kabhi kabhi khud pyar se humare haath me thamate the..
kabhi jeb se gir jane pe main or behan uthane ko daud jate the..

subha jaldi na uthne ko bahane banana, school na bhejne ko maa ko manana..

yaad hai mujhe bhot mar khate the..

fir nam aankhe leke school chale jaate the..

khusiya waha bhi intzaar me hoti thi,
dosto se milne ki jo darkaar hoti thi..

pehla question "bhai homework kiya kya?",
uska chehra padh ke samajh jana " beta aj to tu gya"..

math ke lecture me bahar nikal diya jana,
principal round pe ho to teacher se andar bulane ki guhar lagana..

din guzar gaye kese pta hi na laga,
ban ke fresher main college ko chala..

anjaane chehre anjaane sab mehmaan the,
aankho me sapne liye banaye aaye pehchaan the..

socha na tha ke aesa college hota hai..
ek ek semester clear karna ghamasaan hota hai..

ban gye dost mere bhi kaha main akela tha..
har din lagne laga yaaro ka mela tha..

soya bhi tha class me ek din or pakda gya tha..
kai bar exams ki tension me jakda bhi gya tha..

rato rat padh ke sab exam bhi paas karte the..
yaad hai kuch dost raat bhar phone pe ishq ladate the..

tik tok ghadi ki chalti hi rahi,
dhakke kha kha job bhi mil gyi..

sabka alag thikana ho gya,
yaari ka parivaar ab begana ho gya..

koi desh me koi videsh chala gya..
har koi paisa kamane me khota chala gya..

kuch yaar mile mujhe aese bhi..
jo kal the aj bhi wese hi..

milta hu kuch dosto se to kehte hai mujhko,
yaad nahi aati bhai ab tujhko..

kya kahu main bhi to duniya ka hissa hu..
kisi badle jamane ka bhula bisra ek kissa hu..

kabhi milta hu tumse to jeeta hu jaagta hu..
warna to din me office rat sapno me khota hu..

samay ki fitrat hai ke ye badal jata hai..
accha ho ya bura ye guzar jata hai..

kabhi milte hai yaar aese vaade leke jaana..
2 din yaad karna fir sab bhool jaana...